напишите стих Иса Байзакова Жазғы кеш

               Жазғы кеш

Кеші еді жаздың сұлу нұр төгілген,

Жібектей жерге жасыл гүл себілген.

Көк шатыр,қызғылт теңбіл тақталанып,

Жерге кеп алыс аспан төңкерілген.

Шымқаған көкжиекті қызыл арай,

Көтерген күн шапағын қызыл тудай.

Тарауы сан жамырап көкке самғап,

Серпілген көк теңізі әрмен қарай.

Көкжиек белдеу тартып қызыл нұрдан,

 Шапағын шашыратып бұлттарға ұрған.

 Маяктың жаңа жанған шамындай боп,

 Жұлдыздар жаңа шықты сейіл құрған.