Ответы
Ответ:
Үйірлі мүше.
Үйірлі мүше – кемінде екі не одан да көп сөзден құралып, бастауыштық-баяндауыштық қатынастан тұратын, бір сөйлем мүшесінің қызметін атқаратын сөздер тобы. Үйірлі мүшелер көбінесе бар, жоқ, аз, көп тәрізді сөздерге және сын есімдер мен есімше тұлғаларына аяқталады.
Мысалы, Білімі көп адам жерде қалмайды. Білімі көп – қандай адам? – үйірлі анықтауыш.
Мақсат кеңседе бітіре алмаған жұмысын үйге әкеліп орындайтын. Кеңседе бітіре алмаған - қандай жұмысын? - үйірлі анықтауыш.
Қозылары жамырап, құлындары кісінеп, иттері шулап жатқан ауыл тіршілігі қандай десеңші! Қозылары жамырап, құлындары кісінеп, иттері шулап жатқан - қандай ауыл? - үйірлі анықтауыш.
Ыстық шаңға құмыққан Алмас машинаның терезесін ашып жіберді. Ыстық шаңға құмыққан - қандай? - үйірлі анықтауыш.
Талабы көп жігіт болашақта үлкен жетістікке жетеді. Талабы көп - қандай жігіт? - үйірлі анықтауыш.
Көкірегі ашық, білімі тереңге өмірде қиындық кездеспейді. Көкірегі ашық, білім тереңге - кімге? - үйірлі толықтауыш.
Қайсардың үйі аң терісі дегенге толып тұр. - Аң терісі дегенге - неге? - үйірлі толықтауыш.
Анау есігі төмен үй - біздің көршіміз Аман атанікі. Есігі төмен - қандай үй? - үйірлі анықтауыш.
Талабы таудай бала болашақта үлкен жетістіктерге жететіні сөзсіз. - Талабы таудай - қандай бала? - үйірлі анықтауыш.
Көлігі барлар осы іс-шараға белсенді қатыссын. Көлігі барлар - кімдер? - үйірлі бастауыш.