Жазылым
Берілген сұрақтардың біреуіне жауап беріңіз. Жауапты тиісті стильге келтіріп жазыңыз.
1. Қазақстан - Байқоңыр - Ғарыш
Сіз жақында ҚР Халық қаһарманы Т.Әубәкіровпен кездестіңіз. Сізбен болған
сұхбатта ғарышкер сіздің, жас жеткіншектердің көкейіндегі сауалдарына жауап берді.
Жалпы, нақты, альтернативті, жабық сұрақ түрлерін көрсете отырып, сұхбатты жазыңыз.
Жазылымда орфографиялық, пунктуациялық норманы, салалас құрмалас сөйлемдерді
орынды қолданыңыз.
Нұсқаулық:
Кіріспе жазу: журналистің алдына қойған мақсаты;
Сұхбатты жөнге келтіру, таза қағазға барлық сұрақтар мен жауаптарды жазу;
Редакциялау: сұрақтар мен жауаптардың барлығы қаншалықты қызықты, маңызды
екендігін қарап шығу, мәтінді тексеру.
2. «Мәңгілік елдің нұрлы жолы!»
Елбасының кітабы Қазақстанның қазіргі жарқын сәттерін баяндайды. Кітап Президенттің ел жастарына арнаған үндеуі түрінде ойластырылған. «Мәңгілік ел» идеясы бізді ұлы
мақсаттарға жетелейді. Мақсатқа жетудің жолында ойыңызды дамыта отырып, «Мәңгілік ел – менің елім» тақырыбында мақала жазыңыз.
Жазылымда орфографиялық, пунктуациялық норманы, салалас құрмалас сөйлемдерді орынды қолданыңыз.
___________________________________________

Мәңгілік ел – менің елім

Әр адамның өмірінде туған елінің алар орны зор. Себебі ол жерде адам шырылдап дүние есігін ашты, алғашқы қадамдарын басты, білім алды,ер жетті,азамат атанды. Халқымыз: "Әркімнің туған жері - Мысыр Шаһары" дегендей, оның әр тау-тасы, өзен-көлі мен ну-тоғайы жаныңа ең жақын, ең ыстық. Расында, сонау ел басына күн туған зар заманда ата-бабаларымыз туған жердің топырағын бір иіскеу үшін айшылық жерден ат арытып келген. Ал енді біреулері, керісінше,туған жерін тастап шет елге асыға кетеді. Осындай кезде "Өз үйім - өлең төсегім" дегенді ұмытпау керек. Қазыбек би:"Алтын ұяң – Отан қымбат,туып өскен елің қымбат, кіндік кескен жерің қымбат" - деп туған жердің қасиетін текке ерекше бағаламаған. Сондықтан әрқайсымыз Отанмызды ардақ тұтып,оның тарихын жете білуіміз керек.

Тәуелсіздік – мемлекеттің және ұлттың тарихындағы ерекше бет, қазақ халқының ғасырлық арманы.Көптеген ғасырлар бойы қазақ халқына тәуелсіздік пен егемендік үшін күресуге тура келді.Тәуелсіздікке деген жол күрделі болды.

Басқа халықтармен бейбітшілік, келісім және тату көршілік қарым-қатынаста өмір сүруге деген ықыластың арқасында ол тарих ағымында жоғалмады және ондаған жылдар бойы оның мемлекеттілігін қалпына келтіре алды. Қазақстан дамудың жаңа жолына түсіп,сан ғасырлық ата-бабаларымыздың еркіндік туралы армандарына қол жеткізді.

Қазақстан халқының келісімі мен бірлігі «Бір ел - бір тағдыр» принципіне негізделген Тұңғыш Президент Нұрсұлтан Назарбаевтың саясатының іргетасы болды.Тәуелсіздік жылдарында Қазақстан экономикалық дамуда, біздің азаматтарымыздың өмір сүру деңгейі көтеріліп, демократияның іргетасын қалап, елеулі табысқа қол жеткізді. Енді біз осы тәуелсіздікті мәңгілікке ту етіп ұстап, құлатпауымыз керек. Сонда ғана мәңгі жасайтын мәңгілік ел атанамыз.

Отан – бұл ең маңызды,ең қымбат сөз.Бұл сөзбен біз мектепті, отбасымызды,ұлы Қазақстанды елестетеміз.Өткеніміз ұмытылуды, ал қазіргіміз бөлінуді қаламайды.Әлемдік картада Қазақстан Республикасының қалай пайда болғанын еске түсірейік және біз оның азаматтарымыз.Қазақстанның болашағы біздің қолымызда.

Ер жеткен соң,туған жердің гүлденуі үшін кішкентай да болсын үлесімізді қосу - біздің ең алғашқы парызымыз.Бүгінмен тоқтап қалмай,ертеңге ұмтылып,Отанымыздың,Қазақстанның дамуына ат салыссақ деймін.