10 тапсырма Суретті пайдаланып ,Шайтанкөл туралы шағын сипаттамалық мәтін құра​

Ответ:
Қазақтың ұланғайыр жерінің тың да тылсым табиғаты құпияға құмар адамзатты қашаннан қызықтыратыны белгілі. Қазақстанның ең әдемі, көрікті жерлерінің бірі - Қарқаралы. Қарқаралы сілеміндегі көлдер мен өзендер, таулар мен қайыңды-қарағайлы ормандар ерекше сұлулықтарымен көз тартады. Қарқаралы жері - тұнып тұрған аңыз-ертегі. Солардың ішінде Шайтанкөлдің адам білгісіз керемет сыры бар. Шайтанкөл биіктігі шамамен 1200 м болатын Бұғылы тауының ең биік аңғарында, тау шыңында орналасқан. Оның бір беткейі еңкіштеу. Ал екінші жағы құлама тік жар. Таудың ең биігінде шағын тостағанға ұқсайтын мөп-мөлдір көл жатыр. Ұзындығы - 60 м, көлденеңі - 40 м.
Бұл көлдің Шайтанкөл аталуы тегін емес. Себебі тостағанның орта тұсы қап-қара болып, иірімденіп жатады. Көлге түсіп шомылуға адам өзінен-өзі жүрексінеді. Тағы бір қызығы - көлдің қарсы жақ жағалауларының арасының алыс еместігіне қарамастан, кейде келесі жағадағы адамдар көрінбейді. «Шайтан алып кетті ме, қайда кетті?» дегеннен Шайтанкөл атанып кеткен екен дейді.
Бір қызығы, ғалымдар Шайтанкөлді әлі күнге дейін зерттеген жоқ. Жаңбыр жауса да, қар ерісе де, мұндағы су деңгейі ешқашан төмендемейді және көтерілмейді. Судың химиялық құрамы және тереңдігі белгісіз. Жергілікті тұрғындар, көлдің түбіне ешбір адам жетпеген дейді. Ақсақалдардың айтуынша, Шайтанкөл суы бүкіл Қарқаралыны басып кете алады. Ежелгі заманнан бері, адамдар Шайтанкөлде шомылмаған. Себебі, жергілікті тұрғындардың әңгімелеріне сүйенсек, бұл көлдің маңында жын-шайтандар жүреді. Ал, су қоймасынан бірнеше жүз метр радиуста жануарлар мен құстар мүлдем кездеспейді.
Объяснение: